بڕیارە ئەمڕۆ ئەنجومەنی وەزیرانی هەرێمی كوردستان كۆببێتەوە و تیایدا داهات و خەرجییەكان و دوا پێشهاتەكانی دانوستان لەگەڵ حكومەتی بەغداد تاوتوێدەكرێت.
فەرمانگەی میدیا و زانیاریی ئەنجومەنی وەزیرانی هەرێم ئەمڕۆ چوارشەممە 25ی تشرینی دووەم بڵاویكردەوە، پێش نیوەڕۆی ئەمڕۆ ئەنجومەنی وەزیران بە سەرپەرشتیی مەسرور بارزانی، سەرۆكی حكومەت و ئامادەبوونی قوباد تاڵەبانی، جێگری سەرۆكی حكومەت كۆدەبێتەوە.
ڕونیشیكردەوە، لە كۆبوونەوەكەدا هەریەك لە پرسەكانی، داهات و خەرجییەكان و دوا پێشهاتەكانی ڕێرەوی دانوستان لەگەڵ حكومەتی فیدراڵ سەبارەت بە شایستە داراییەكانی هەرێمی كوردستان، هەروەها پێشنووسی پەیڕەوی (دیاریكردنی ماف و ئیمتیازەكانی كەسوكاری شەهیدان و ئەنفالكراوان) تاوتوێدەكرێن.
