کۆبوونەوەى وەفدى ئیمڕاڵى لەگەڵ عەبدوڵا ئۆجەلان کۆتایى هات و ئێوارەى ئەمڕۆ پەیامى ئۆجەلان دەخرێتەڕوو.
ئەمڕۆ پێنجشەممە وەفدی دەم پارتی جارێکی دیکە سەردانی دورگەی ئیمڕاڵی کردەوە و لەگەڵ عەبدوڵا ئۆجەلان رێبەری زیندانیکراوی پارتى کرێکارانى کوردستان (پەکەکە) کۆبووەوە.
ئەندامانی وەفدەکەی دەم پارتی پێکهاتوون لە سری سورەیا، پەروین بوڵدان، ئەحمەد تورک، تولای هاتیمئۆغوڵڵاری، تونجەر باکرهان، جەنگیز چیچەک و فایەق ئۆزگور ئەرۆل پارێزەری عەبدوڵڵا ئۆجەلان.
کەمێک پێش ئێستا کۆبوونەوەکە کۆتایى هات و بڕیارە کاتژمێر 5ى ئێوارەى ئەمڕۆ پەیامى ئۆجەلان لە ئیستانبوڵ بخرێتەڕوو و لە میدیاکانەوە بڵاوبکرێتەوە.
چاوەڕێدەکرێت، پەیامەکە بڕیاری گرنگی لەبارەی چەک دانان و دەستپێکردنەوەی پرۆسەی ئاشتی لە تورکیا و باکووری کوردستان لەخۆبگرێت.
