پەنابەرێكی كورد دوای 21 ساڵ چاوەڕوانی مافی پەنابەرێتی لە ئیتاڵیا وەرگرت و دوای چەند ڕۆژێك گیانیلەدەستدا
شڤان عومەر ئیبراھیم ھاوڵاتییەكی خەڵكی شاری زاخۆ بووە كە لە ئیتاڵیا نیشتەجێبووە و بەھۆی نەخۆشییەوە مردووە و تەرمەكەی لە یەكێك لە پاركەكانی شاری ڕۆما دۆزراوەتەوە و ڕەوانەی پزیشكی دادی ئەو شارە كراوە.
بە وتەی خێزانەكەی ڕۆژێك بەر لە گیانلەدەستدانی پەیوەندی بە خێزانەكەیەوە كردووە و پێیڕاگەیاندوون دەگەڕێتەوە بۆ هەرێمی كوردستان، بەڵام مەرگ ڕێگەی پێنەدا.
هاوكات ئاری جەلال، سەرۆكی دەزگای لوتكە بە خێزانی كۆچكردووی ڕاگەیاندووە ھاوكار و ھەماھەنگی تەواویان دەبێت لە گەڕانەوەی تەرمەكەی كوڕەكەیان بۆ زێدی خۆی.
