نرخی نەوتی خاو جارێكی دیكە لە بازاڕەكانی جیهاندا دابەزینی بەخۆیەوە بینی و هەر بەرمیلێك نەوتی برێنت گەیشتە 110 دۆلار.
ئەمڕۆ چوارشەممە نرخی نەوت لە بۆڕسەی جیهانیی بە دابەزین دەستیپێكرد و نرخی هەر بەرمیلێك نەوتی برێنت 3.50% بەهاكەی لەدەستدا و گەیشتە 110 دۆلار، هەروەها نەوتی تەكساس 3.80%ی بەهاكەی لەدەستدا و گەیشتە 105 دۆلار بۆ هەر بەرمیلێك.
بەپێی وتەی شارەزایان هۆكاری دابەزینەكە دەگەڕێتەوە بۆ بەرزكردنەوەی سوودی بانكی لەلایەن بانكە ناوەندییەكان، ئەمەش هۆكاربووە بۆ كەمبوونەوەی خواست لەسەر نەوت.
لە شوباتی ڕابردووەوە پاش هێرشی ڕوسیا بۆسەر ئۆكرانیا نرخی نەوتی خاو لە بازاڕەكانی جیهاندا ڕوو لە بەرزبوونەوەیە.
