پارێزگاری هەولێر ڕایدەگەیەنێت، ژووری ئۆپەراسیۆن بۆ ڕووبەڕووبوونەوەی پەتای كۆلێرا پێكهێنرا و چوار حاڵەتی تووشبوون بە كۆلێرا تۆماركراوە.
ئومێد خۆشناو، پارێزگاری هەولێر لە كۆنگرەیەكی ڕۆژنامەوانییدا ڕایگەیاند، تیمە تەندروستییەكان بۆ ڕووبەڕووبوونەوەی كۆرۆنا زیاددەكرێن و نەخۆشخانەیەكی تایبەت بۆ ڕووبەڕووبوونەوەی كۆلێرا تەرخاندەكرێت.
ئاشكرایكرد، سەرچاوەی ئاوی خواردنەوەی هەولێر ئاوی سەرزەوی و ژێرزەوییە و بۆ ئەو مەبەستەش هەموو ڕێوشوێنێكی پێویست دەگیرێتەبەر و پشكنینیان بۆ دەكرێت.
پارێزگاری هەولێر ڕايگەیاند، بەكارهێنانی سەوزە و میوە لە چێشتخانەكان و بەرداخی شووشە لە چایخانەكان قەدەغەكراوە و سەرجەم مزگەوت و شوێنەگشتییەكان كە ئامێری ساركردنی ئاويان داناوە لادەبرێن و دەبێت سەرجەم چێشتخانەكان كەلوپەلی سەفەری بەكاربهێنن و ئەو هەنگاوەش لەپێناو پاراستنی سەلامەتیی گیانی هاوڵاتییاندایە.
