عەلی حەمە ساڵح ئەندامی پەرلەمانی کوردستان دەڵێت، بڕینی مووچە و ڕاگرتنی پلەبەرزکردنەوە بە بڕیاری ئەنجومەنی وەزیرانی هەرێمی کوردستان بووە و پێویستە بەرپرسیارێتییەکەی لەئەستۆبگرێت.
بەناونیشانی لێبڕینی مووچە و ڕاگرتنی پلەبەرزکردنەوە لە ئەستۆی کێیە؟ عەلی حەمە ساڵح نووسیویەتی، “بەپێی یاسا بەرکارەکان، فەرمانبەران و خانەنشینان بە یاسا کاریان بۆ حکومەتی هەرێم کردوە، کۆی شایستە داراییەکان لە ئوستۆی حکومەتی هەرێمە.
ئەو پەرلەمانتارە ڕایگەیاندووە، “ئەوەی دەتوانێت مامەڵە و ڕێککەوتن و پەیوەستبوونی دارایی هەبێت لەگەڵ حکومەتی ناوەندی حکومەتی هەرێمە، نەک فەرمانبەران”.
جەختدەکاتەوە، کە لە یاسای بودجە و سەرجەم یاسا بەرکارەکانی عێراق، هیچ پەیوەستبوونێکی ڕاستەوخۆی فەرمانبەرانی هەرێمی کوردستان نەخراوەتە سەر حکومەتی عێراق، بڕینی مووچە و ڕاگرتنی پلەبەرزکردنەوە بە بڕیاری ئەنجومەنی وەزیرانی هەرێمی کوردستان بووە و پێویستە بەرپرسیارێتییەکەی لەئەستۆبگرێت.
