ئەندامانی یانەی بەرشلۆنە ڕازیبوون بە چارەسەرە داراییەكانی یانەكە و بە دەنگدان یانەكەیان لە قەیران ڕازیكرد.
لەكۆبونەوەیەكی گەورەدا شەوی ڕابردوو یانەی بەرشلۆنە ڕەزامەندی پیشاندا بەفرۆشتنی لەسەدا 49ی داهاتەكانی ئێستایان بەسەر یەكەوە.
لەو دەنگدانەدا 568 كەس ڕازیبون بەفرۆشتنی داهاتەكانیان و 56 كەس ڕازی نەبوون و 13 كەسیش دەنگیان نەدا.
بەوەش یانەی بەرشلۆنە بە فرۆشتنی بەشێك لە داهاتەكانیان بەسەر یەكەوە لە ئێستادا بڕی 300 ملیۆن یۆرۆ دەچێتە خەزێنەكەیانەوە.
جگە لەوەی بڕیاریشیان داوە لەداهاتوودا بەشێك لە پەخش و درێسی یانەكە بفرۆشن و بەوەش نزیكەی 400 ملیۆن یۆرۆیان دەست دەكەوێت.
لاپۆرتا پێش ئەنجامدانی دەنگدانەكە بە ئەندامەكانی ڕاگەیاند كە ئەمڕۆ پێویستە هاوكاری بەرشلۆنە بكەن بۆ ڕزگاربون لەو دۆخە.
وتیشی: كاتێك من بوم بە سەرۆك موچەی مانگی سێیمان پێ نەبووە بیدەین بە كارمەندەكانمان.
