گۆرانیبێژی پۆپی کەنەدی جەستن بیبەر ئاشکرایکرد، پزیشکەکانی پێیانڕاگەیاندووە تووشی جۆرێک ڤایرۆس بووە کە هۆکارە بۆ ئیفلیج بوونی نیوەیی لە ڕووخساریدا.
لە پارچە ڤیدیۆیەکدا کە لە هەژماری تایبەتیی خۆی لە تۆڕی کۆمەڵایەتیی ئینستگرام بڵاویکردەوە جەستن بیبەر دەڵێت، “تووشی نیوە ئیفلیجبوونی ڕووخسار بووم، ناتوانم بەشێکی ڕووخسارم بجوڵێنم و کۆنترۆڵی بکەم”.
Sending lots of love, light, & prayers to you @justinbieber ❤️ we love you so much! Please rest up, we are always here for you pic.twitter.com/45tiQ6HY1x
— Bieber Fever (@bieberfever) June 10, 2022
لەو پارچە ڤیدیۆیەدا ئاماژە بۆ دەم، چاو، گوێی دەکات و دەڵێت، “ناتوانم پێبکەنم، ناتوانم لایەکی دەمم بجوڵێنم جوڵەی چاوێکم لەژێر کۆنترۆڵدا نییە و گوێیەکم نابیستێت، یەکێک لە لایەکانی ڕووخسارم بەتەواوی ئیفلیج بووە”.
ئەو گۆرانیبێژە هەوادارەکانی ئاگاداردەکاتەوە کە سەرجەم ئاهەنگ و کۆنسێرتەکانی لەم ماوەیەدا ڕاگرتووە و سەرقاڵی وەرگرتنی چارەسەرە بۆ نەخۆشییەکەی و ڕایگەیاندووە، “دەگەڕێمەوە دۆخی پێشووم، بەڵام نازانم چەند کاتم پێویستە بۆ ئەوە”.
