ئەندامێكی هاوپەیمانیی فەتح ڕایدەگەیەنێت، هەرێمی كوردستان بەردەوام هێرشدەكاتە لەسەر دادگای فیدراڵی و وەك دەوڵەتێكی سەربەخۆ مامەڵە لەگەڵ بەغداد دەكات كە بەهیچ شێوەیەك قبووڵكراو نییە.
سالم عەبادی ئەندامی هاوپەیمانیی فەتح ڕایگەیاند، بەردەوام لە هەرێمی كوردستانەوە هێرشدەكرێـتە سەر دادگاكانی عێراق كە تەواوی هێڵە سوورەكان لەلایەن هەرێمەوە بەزێندراون لەوانەش هێرشكردنە سەر دەستوور و دادگای فیدراڵیی عێراق.
ئاماژەی بەوەشكرد، هەرێمی كوردستان هەمیشە وەك دەوڵەتێكی سەربەخۆ مامەڵەی لەگەڵ بەغداد كردووە.
