مانچستەر یونایتد سەرەڕای بەشداری نەکردنی لە چامپیۆنزلیگی وەرزی داهاتوو، بەڵام لە مێرکاتۆی هاوینی 2022 لەپێناو هاوتا بوونەوە لەگەڵ مانچستەر سیتی چەندین گرێبەستی گەورە واژۆ دەکات.
بەپێی زانیاریی میدیاکانی بەریتانیا، بەڕێوەبەرانی یونایتد پێیان وایە تاکە چارەسەر بۆ هاوسەنگ بوون لەگەڵ “سیتیزنس”، سەرکێشییە لە بازاڕی گواستنەوەی یاریزانان.
جیا لەوەی پێکهاتەکەیان لە پۆگبا و لینگارد و ماتا و چەندین یاریزانی دیکە پاکتاو کردووە، ئامادەن زیاتر لە 80 ملیۆن بۆ گواستنەوەی فرینکی دی یۆنگ بە مووچەی ساڵانەی 20 ملیۆن یورۆ، هەروەها 90 ملیۆن یۆرۆ و زیاتر بۆ داروین نونێزی هێرشبەری ئۆرۆگوایی یانەی بەنفیکا پێشکەش بکەن.
لە لایەکی دیکەوە ئێریک تێن هاگ داوایکردووە هەوڵەکان لێرەدا نەوەستێت، بەڵکو گرێبەست پێشکەشی مارکۆ ئەسینسیۆی هێرشبەری یانەی ڕیاڵ مەدرید-یش بکرێت.
