پێشینەی خانوبەرە دەدرێت بە هاوڵاتییان و بڕەكەی دەگات بە 150 ملیۆن دینار، جگە لە بنیادنان و نۆژەنكردنەوە، كڕینی خانوو دەگرێتەوە.
بانكی ڕافیدەین ئەمڕۆ شەممە ئاشكرایكرد، پێشینەی خانوبەرە دەدرێت بە چەندین توێژ و بڕەكەی دەگات بە 150 ملیۆن دینار.
نووسینگەی ڕاگەیاندنی بانكی ڕافیدەین ڕاگەیەندراوێكی بڵاوكردەوە و دەڵێت، “پێشینەی خانوبەرە فەرمانبەران و خانەنشینان و هاوڵاتییانی ئاسایی دەگرێتەوە و بە شێوەی قەرز پێیاندەدرێت”.
ڕاگەیەندراوەكەی نووسینگەی ڕاگەیاندنی بانكی ڕافیدەینی عێراقی ڕایگەیاندووە، قەرز و پێشینەكان جۆراوجۆرن، بنیادنان، نۆژەنكردنەوە و ئامادەكردنی شوێنی نیشتەجێبوون و كڕینی خانوو دەگرنەوە.
