بەپێی ئەو زانیارییانەی لە یەكێك لە بانكەكانەوە بە تۆڕی میدیایی ئێستا دراون پارەی پێویست بۆ دابەشكردنی مووچەی وەزارەتی خوێندنی باڵا ئامادەیە و سبەینێ چوارشەممە دەست بە دابەشكردنی مووچەكەیان دەكرێت.
لە دابەشكردنی مووچەی مانگی ئازاری ئەمساڵدا لە چەند ناوەندێكی سەر بەو وەزارەتە دابەشكردنی مووچە كێشەی تێكەوت و تائێستا زۆرینەی فەرمانبەران لە زانكۆی سلێمانی دەستیان بە دەوامنەكردووە و ڕۆژانە لەبەردەم دەرگای زانكۆدا گردبوونەوە ئەنجامدەدەن و داوای مووچەی مانگی چوار دەكەن.
لە زانیارییەكاندا هاتووە، بەپێی ئەو خشتەیەی لە وەزارەتی داراییەوە ئاراستەی بانكەكان كراوە سبەینێ وەزارەتەكانی خوێندنی باڵا و كارەبا مووچەیان پێدەدرێت و پارەی پێویست ئامادەییە و كاتژمێر 9ی سەر لەبەیانی دەست بە دابەشكردنی مووچەكانیان دەكرێت بۆ مووچەی مانگی چوار گرفتی نەبوونی پارە لە بانكەكاندا نییە.
