ڕێکخراوی تەندروستیی جیهانی شارەزا و زانایانی پزیشکیی ئاگادارکردووەتەوە بۆ کۆبوونەوەیەکی بەپەلە بۆ تاوتوێکردنی بڵاوبوونەوەی نەخۆشیی ئاوڵە.
ئاژانسی ڕۆیتەرز بڵاویکردەوە، تەندروستیی جیهانی کۆبوونەوەیەکی بەپەلە بۆ سەرجەم شارەزایانی ڕێکخراوەکە ئەنجامدەدات سەبارەت بە بڵاوبوونەوە و مەترسییەکانی نەخۆشیی ئاوڵە.
ئاژانسەکە باسی لەوەکردووە، تەوەرە سەرەکییەکانی کۆبوونەوەکە ڕێگەی گواستنەوەی نەخۆشییەکە و بڵاوبوونەوەیەتی لەناو هاوڕەگەزخواز و دووڕەگەزەکاندا.
هەروەها گفتگۆ لەبارەی ڤاکسینەکانی دژی نەخۆشییەکە و کاریگەرییەکانی دەکەن.
بڵاوبوونەوەی نەخۆشیی ئاوڵە لەچەند وڵاتێکی ئەوروپا تۆمارکراوە لەناویاندا، بەریتانیا، فەرەنسا، سوید، ئیسپانیا، بەلجیکا، ئیتالیا، ئوسترالیا و کەنەدا.
نەخۆشیی ئاوڵە نەخۆشییەکی ڤایرۆسیی گواستراوەیە، لە ئاژەڵە وشکانییەکان و بەتایبەت مەیمونەوە دەوازرێتەوە بۆ مرۆڤ، ئێستا بەزۆری لە وڵاتانی ئەفریقا تۆماردەکرێت.
نەخۆشییەکە لە مرۆڤێکی تووشبووەوە دەگوێزرێتەوە بۆ مرۆڤێکی دیکە لەڕێگەی بەرکەوتن بە شلە دەردراوەکانی جەستەی کەسی تووشبووەوە.
