ئەمڕۆ هەینی موزەفەر نەواب شاعیری بەناوبانگی عێراقی لە تەمەنی 88 ساڵیدا کۆچی دوایی کرد.
چەندین کەس لە هاوڕێیانی و ئەدەبدۆستان لە تۆڕە کۆمەڵایەتییەکانەوە خەمباریی خۆیان بە کۆچی دوایی یەکێک لە دیارترین شاعیرەکانی ئەم دواییەی عێراق دەربڕی.
موزەفەر عەبدولمەجید نەواب یەکێکبوو لە شاعیرانی هاوچەرخی عێراق و ڕەخنەگرێکی دیاری بارودۆخ و ڕژێمی پێشووی عێراق بوو، بەو هۆیەوە تووشی گرتن و زیندانیکردن بووبوو.
لە قۆناغێکی ژیانیدا نەواب ڕاپێچی زیندانی “نوگرە سەلمان” دەکرێت و لەوێ ئاشنایەتی و هاوسۆزییەکی گەورە لەگەڵ کوردەکاندا پەیدادەکات.
نەواب یەکێکبووە لە هاوڕێ دێرینەکانی مام جەلال.
