ئەلیکساندەر چیفرین، سەرۆکی فیدراسیۆنی تۆپی پێی ئەوروپا یانەی ڕیاڵ مەدرید بە پشیلەی حەوت ڕۆح وەسف دەکات.
یانەی ڕیاڵ لە قۆناغی 16ی چامپیۆنزلیگ بەرامبەر پاریس سان جێرمان، پاشان بەرامبەر چێڵسی و لە قۆناغی نیوەی کۆتایی بەرامبەر مانچستەر سیتی کە بەهێزترینەکانی وەرزی 2021-2022 بوون سەرکەوتنی تۆمار کرد.
ئەلیکساندەر چیفرین لە چاوپێکەوتنێکدا بە ماڵپەڕی (24 یو ئاڕ) ی سلۆڤینی ڕاگەیاندووە، ” لە قۆناغی نیوەی کۆتایی چامپیۆنزلیگ گومانم لە توانای ڕیاڵ مەدرید هەبوو بۆ تێپەڕاندنی مانچستەر سیتی، بەتایبەت دوای دۆڕاندنی یاریی چوون و دواکەوتنیان لە ئەنجامەکە.”
سەرۆکی یوێفا دەڵێت، “بە دڵنیاییەوە ئەوان وەک پشیلەی حەوت ڕۆحن، بەڵام موعجیزەی کەریم بنزیماشیان هەیە، کە چەند جارێک وتوومە یەکێکە لە باشترینەکان و لەڕووی مێژووییەوە ستەمی لێکراوە، هەروەها لۆکا مۆدریچ-یان هەیە، تا تەمەنی زیاتر بێت، زیاتر گەشە دەکات.”
