هاککەرە چینییەکان تەکنەلۆژیای سەربازیی ئەمریکایان بردووە

نەوەی پێنجەمی فڕۆکەی ” J-20 Mighty Dragon”ی چینی چەندین تەکنەلۆژیای تێدایە لە فڕۆکەی “F-35 Lightning II”ی ئەمریکییەوە وەرگیراوە.

لەم بارەیەوە، پێگەی “19Fortyfive”ی ئەمریکی ڕایگەیاندووە، هاککەرە چینییەکان لە ئوستورالیا توانیویانە نهێنییەکانی سیستمی کارۆڕووناکیی فڕۆکەکانی ئەمریکا ببەن.

ئەم تەکنەلۆژیایە لەڕێی قووچەکێکی شووشەیی لە ژێرەوەی بەشی پێشەوەی فڕۆکەکەدا، دەتوانێت ئامانجەکانی بدۆزێتەوە و مووشەک ئاراستەبکات.

پێشتریش لە ساڵی 2007دا ئیدوارد سنودن ئەندامی هەواڵگریی ئەلیکترۆنیی ئەمریکا ڕایگەیاندبوو، چینییەکان چوونەتە ناو پرۆگرامەکانی کۆمپانیای “لۆکهێد مارتن”ەوە و نهێنیە تەکنەلۆژییەکانی فڕۆکەی F-35یان بردووە، تەنانەت پێش ئەوەی بخرێتە کار.

بەپێی ڕاپۆرتێکی ساڵی 2019ی پێنتاگۆن، چینییەکان بەردەوام لە سیخوڕیدان بەسەر تەکنەلۆژیا سەربازییەکاندا بۆ بردنی زانیاریی و تەکنەلۆژیای نهێنی وڵاتەکە.