ئەندامێكی ئەنجومەنی نوێنەرانی عێراق داوا لە حكومەتی عێراق دەكات بەهۆی خۆڵبارین و مەترسییەكانی لەسەر تەندروستی دەرماڵەی مەترسی بۆ هێزە ئەمنییەكان و كارمەندانی هاتوچۆ خەرجبكرێت.
سوهەیلە سوڵتانی، ئەندامی ئەنجومەنی نوێنەرانی عێراق ڕایگەیاند، بەهۆی بەرزبوونەوەی پلەكانی گەرما و خۆڵبارینەوە هێزە ئەمنییەكان و كارمەندانی هاتوچۆ مەترسی لەسەر تەندروستییان هەیە و پێویستە لەلایەن حكومەتی عێراقەوە دەرماڵەی مەترسی بۆ كارمەندانی هێزە ئەمنییەكان دابینبكرێت.
ئاشكرایكرد، كارمەندانی هاتوچۆ بەردەوام لەسەر شەقامەكانن كە زۆركات دووچاری ڕووداوەكانی هاتوچۆ دەبنەوە و گۆڕانكاریی كەشوهەوا و پلەكانی گەرماش هەڕەشە و مەترسی لەسەر تەندروستییەكان دروستدەكات.
