سەرۆكی ئەنجومەنی پارێزگای سلێمانی ڕایدەگەیەنێت، بە فەرمانی بافڵ جەلال تاڵەبانی مەکتەبی ئیدارە و دارایی گشتی یەكێتی كێشەی ژینگەپارێزانی زۆنی (دوکان-چەمچەماڵ)ی چارەسەركرد كه سنووری 21 شارەوانییە.
ئازاد محەمەد ئەمین، سەرۆكی ئەنجومەنی پارێزگای سلێمانی لە هەژماری خۆی نووسیویەتی، دوای ئەوەی ڕۆژی ٢٠٢٢/٤/٢٧ لە بەردەم ئەنجومەنی پارێزگای سلێمانی پێشوازیی لە کرێکارانی ژینگە پارێزی شارەوانییەكانی چەمچەماڵ، شۆرش و تەکیەی کاکەمەند كردووە، لە ڕۆژی ٢٠٢٢/٤/٢٨ توانیویانە داواکاریی مووچەیەکی پێش جەژنی ڕەمەزانیان بۆ دابین بکەن.
باسی لەوەشكردووە، لەسەر بڕیاری بافڵ جەلال تاڵەبانی بەهەماهەنگیی بەرێوەبەرایەتیی گشتی شارەوانیەکانی سلێمانی و پشتیوانی دارایی یەکێتی چارەسەری یەکجاریی كێشەی مانگانەی ئەو ژینگە پارێزانە بەشێوەیەكی ڕیشەیی دەكەن كە سنووری 21 شارەوانیە”.
