ئەنجوومەنی شارەوانی شاری بەرشلۆنە گڵۆپی سەوزی بۆ ئیدارەی یانەی بەرشلۆنە داگیرساند، دەست بە پرۆژەی “ئیسپای بارسا” بکات.
پرۆژەی ئیسپای بارسا ناوازەیە، هاوشێوەی نوێکردنەوەی یاریگای سانتیاگۆ بێرنابیۆی ڕیاڵ مەدرید، یانەی بەرشلۆنە یاریگای کامپ نو بۆ شێوازێکی سەردەمیانە نوێ دەکاتەوە، هەروەها یاریگایەکی دیکە بۆ مەشق و ڕاهێنانەکان و یارییەکانی تۆپی دەست و باسکە بونیاد دەنێت.
لەو بارەیەوە خوان لاپۆرتا، سەرۆکی ئازولگرانا بە میدیاکانی ڕاگەیاند، “پرۆژەکە لە وەرزی 2023/2024وە دەستپێدەکات، تاوەکوو 2025/2026 دەخایەنێت، لەو ماوەیەدا یانەکەمان لە یاریگای لویس کۆمپانیسی ئۆڵیمپی ڕووبەڕووبوونەوەکانی لالیگا و خولەکانی دیکەی ئەوروپا و ئیسپانیا ئەنجام دەدات، دوای کۆتاییهاتنی پرۆژەکە، یاریگای کامپ نو دەبێتە باشترینی جیهان”.
🔊 @JoanLaportaFCB: "Respecto a las afectaciones de la temporada 22/23, prácticamente mantendremos el 100% del aforo" pic.twitter.com/55tyfgluoC
— FC Barcelona (@FCBarcelona_es) April 28, 2022
تێچووی نوێکردنەوەی یاریگای کامپ نو، یاخود پرۆژەی “ئیسپانی بارسا” زیاترە لە 500 ملیۆن یورۆ، دوای کۆتاییهاتنی کارەکان، یاریگای کامپ نو و ناوچەی ڕاهێنانەکانی بارسا دەبێتە یەکێک لە نموونە ئەندازیارییەکان لە جیهاندا، تەنانەت ڕێژەی ئامادەبوونی هاندەرانیش زیاتر دەکرێت.
