دوو پەرلەمانتاری كوردستان شاهێدییان لەسەر بردنەدەرەوەی غاز و دروستكردنی كێشەی كەمی غاز دا و پەرلەمانتارێك دەڵێت، بەڵگەی پێویستمان خستەڕوو.
سەركۆ ئازاد گەڵاڵی، ئەندامی پەرلەمانی كوردستان لە فراكسیۆنی سەوز ڕایگەیاند، لەگەڵ بەڵێن ئیسماعیل-ی پەرلەمانتار وەک شاهید لەسەر کەیسی بردنەدەرەوەی غازی ماڵان بۆ دەرەوەی وڵات و دروستکردنی کێشەی کەمی غاز و گرانبوونی لە ناوخۆی هەرێم لەسەر هاوڵاتیانی کوردستان لە دادگا بووین.
وتیشی، “لە دادگای لێکۆڵینەوەی دەسپاکی ئامادەبووین و بەڵگەی پێویستمان خستەڕوو”.
ئەو پەرلەمانتارە هۆكاری ئەو هەنگاوە بۆ “ڕێگریکردن لە دووبارەبوونەوەی قەیرانی غازی ماڵان” ناودەبات.
