ڕوسیا هەر بەرمیلێك نەوتی خاو بە 29 دۆلار كەمتر دەفرۆشێت بە بەراورد بە نەوتی خاوی برێنت، بڕی هەناردەكردنیشی كەمیكردووە.
بەپێی داتاكانی بازاڕی وەزی جیهانی و وەزارەتی دارایی ڕوسیا، ڕوسیا نەوتی خاوی خۆی بە نەرخێكی هەرزانتر دەفرۆشێت و گرێبەستەكانی فرۆشتنی نەوتی خاوی ئەو وڵاتە لە پاشەكشەدان، هۆكارەكەشی كەمبوونەوەی بڕی نەوتی هەناردەكراوی ڕوسیایە كە هۆكارێكی سەرەكیی ئەو كەمبوونەوەیەیە، بەهۆی سەپاندنی سزای ئابوری بەسەریدا لەلایەن ئەمریكا و وڵاتانی ئەوروپاوە.
كۆمپانیای گازپرۆمی ڕوسی ڕایگەیاندووە، قەبارەی نەوتی هەناردەكراوی ڕوسیا بۆ ئەوروپا و توركیا بە ڕێژەی 26.4% كەمیكردووە.
زانیارییەكان دەڵێن، لە دوو هەفتەی سەرەتای ئەم مانگەدا، بەرهەمی نەوتی ڕوسیا ڕۆژانە زیاتر لە یەك ملیۆن بەرمیل كەمیكردووە و بەوەش بڕی نەوتی هەناردەكراوی ڕوسیا بە ڕێژەی 7.5% كەمبووەتەوە بۆ 10.2 ملیۆن بەرمیل لە ڕۆژێكدا.
وەزارەتی دارایی ڕوسیا ئاشكرایكردووە، تێكڕای نرخی نەوتی فرۆشراوی ڕوسیا 80 دۆلار بووە و ئەوەش نزیكەی 29 دۆلار كەمترە لە تێكڕای نرخی نەوتی خاوی برێنت كە پێوەری نێودەوڵەتیی بنەڕەتیی بازاڕی نەوتە لە جیهاندا.
