دوای یەکسانبوونی یانەی یوڤانتۆس بەرامبەر بۆلۆنیا، ماسیمیلیانۆ ئالێگریی ڕاهێنەری یوڤی داوای لە هاندەران کرد خۆڕاگربن و چاوەڕوانی داهاتوو بکەن.
بەپێچەوانەوە، هاندەرانی یوڤی توڕەیی دایگرتوون و لە تۆڕە کۆمەڵایەتییەکانەوە بە چەندین هاشتاگ داوای دوورخستنەوەی ئالێگری و گەڕاندنەوەی ئەنتۆنیۆ کۆنتی ڕاهێنەری پێشووی یانەکەیان کردووە.
لاپۆ ئیلکان، ئامۆزای سەرۆکی یانە (ئەندریا ئانێلی) لە تۆڕی کۆمەڵایەتی تویتەرەوە بەتوندی ڕەخنەی لە ئالێگری گرتووە و نووسیویەتی، ” ئێمە بەهیچ شێوەیەک خۆشحاڵ نین”.
ئالێگری لەم وەرزە 2021/2022 سەرپەرشتی 45 یاریی یانەی یوڤانتۆسی لەسەرجەم خول و پاڵەوانێتییەکان کردووە، 26 بردنەوە و 10 یەکسانبوون و 9 دۆڕاندنی تۆمارکردووە.
