ئه‌مشه‌و سێشه‌ممه، دوو ڕووبه‌ڕووبوونه‌وه‌ی چوونی قۆناغی چاره‌کی کۆتایی چامپیۆنزلیگ ئه‌نجامدران، یانه‌ی ڤیاڕیاڵ بردنه‌وه‌یه‌کی مێژوویی به‌رامبه‌ر بایرن میونشن تۆمارکرد.
له‌ڕووبه‌ڕووبوونه‌وه‌یکی به‌هێزدا، یانه‌ی بایرن میونشن له یاریگای “ئالیانز ئارینا” میوانداریی ڤیاڕیاڵی کرد، یارییه‌که به ئه‌نجامی (1-1) کۆتاییهات، که ئه‌وه‌ش له به‌رژه‌وه‌ندیی ئه‌ستێره‌کانی ئونای ئیمێری بوو.
گۆڵه‌که‌ی بایرن له خوله‌کی 52 له‌لایه‌ن ڕۆبێرت لیڤاندۆڤیسکی-یه‌وه تۆمارکرا، گۆڵی یه‌کسانکه‌ره‌وه‌ی ئه‌نجامه‌که‌ش له خوله‌کی 88 له‌لایه‌ن ساموێل چیکویزی-یه‌وه تۆمارکرا.
به‌پێی ئه‌نجامه تۆمارکراوه‌که، یانه‌ی ژێرئاوگه‌ڕه‌کانی ئیسپانیا به ئه‌نجامی چوون و گه‌ڕانه‌وه (2-1) بلیتی قۆناغی چوارگۆشه‌ی زێڕینی بڕی و بایرنی باڤاری له خووله‌که کرده ده‌ره‌وه.
