چاڤی هێرناندێزی ڕاهێنەری بەرشلۆنە گفتوگۆی لەگەڵ لیڤاندۆڤیسكی كردووە و باسی پڕۆژەی یانەكەی لەداهاتوودا بۆ كردووە.
بە پێی ڕاگەیاندنەكانی ئەڵمانیا بێت ، لیڤاندۆڤیسكی بۆ نوێكردنەوەی گرێبەستەكەی لەگەڵ بایرن میونشن، كۆمەڵێك مەرجی داناوە، بەڵام پێدەچێت مەرجەكان لای ئیدارەی بایرن قورس بێت.
هەر بۆ ئەو مەبەستەش، چاڤی گفتوگۆی لەگەڵ لیڤا كردووە و باسی پڕۆژەی داهاتووی یانەكەی بۆ كردووە.
چاڤی گرەنتی ئەوەی پێداوە لە وەرزی داهاتوودا تیپێكی بەهێز و تۆكمە دروستبكات و ببنە ڕكابەرێكی بەهێزی یانەكانی ئەوروپا.
ڕاگەیاندنەكانی ئەڵمانیا دەڵێن، گەر ئیدارەی بایرن داواكارییەكانی لیڤاندۆڤیسكی جێبەجێ نەكات، دوورنییە لیڤا بیر لە چوونی بۆ بەرشلۆنە بكاتەوە.
