پەیوەندی نێوان نێیمار و سەرۆکایەتی یانەی پاریس سان جێرمان بەتەواوی لاواز بووە، قەتەرییەکان پێیانوایە یاریزانەکە ئاستی داواکراو پێشکەش ناکات.
بەپێی ڕاپۆرتێکی ڕۆژنامەی “لیکیپ”ی فەرەنسی، شێخەکانی پاریس سان جێرمان باوەڕیان بە تواناکانی نێیمار لەدەستداوە، پێیانوایە یاریزانە بەڕازیلییەکە هەڵەیەکی گەورە بووە و هەرگیز ناتوانێت یانەکەیان بەرەو سەرکەوتن ببات.
سەرۆکایەتی “پی ئێس جی” خراپتریش بیر دەکەنەوە و پێیانوایە لەلایەن نێیمارەوە لە هەردوو ڕووی وەرزشی و دارایییەوە خیانەتیان لێکراوە، بەوپێیەی ساڵانە 36.8 ملیۆن یورۆ مووچە وەردەگرێت کە تاوەکو کۆتایی بۆندەکەی 400 ملیۆن یورۆ دەکات (بە 222 ملیۆن یورۆی واژووکردنی گرێبەستەکەیەوە)، لەگەڵ ئەوەشدا ئەو وزەیەی بەکارنەخستووە کە بەرامبەر بەو پارەیەیە.
ڕۆژنامەکە نووسیویەتی، تەنها یانە بتوانێت ئەستێرەی سیلیساو بەو نرخە بەرزە بکڕێت، یانەی نیوکاسڵە کە لەلایەن سندووقی وەبەرهێنانی سعوودیەوە بەڕێوەدەبرێت، بەڵام سەرباری هەموو ئەوانە پەیوەندی نێوان یاریزانەکە و پاریس بەردەوام دەبێت.
