تەرمی یەكێك لە گەنجە بێسەروشوێنەكانی ماوەت دۆزرایەوە، خەڵكی هەولێرە.
كامەران حەسەن قائیمقامی قەزای ماوەت بە تۆڕی میدیایی ئێستای ڕاگەیاند، تەرمی “هەڵكەوت نوری” دۆزراوەتەوە، كە یەكێك بوو لە سێ گەنجە بێسەروشوێنبووەكە.
تەرمەكە نزیكەی دوو كیلۆمەتر خوار شوێنی ڕووداوەكە لەلایەن تیمی مەلەوانیی تەقتەقەوە دۆزراوەتەوە.
“هەڵكەوت نوری” خەڵكی هەولێرە و زاوای دوو گەنجەكەی دیكە بووە، دوو گەنجەكەش خاڵۆزا و پورزان.
ئێوارەی 21ی مانگی ڕابردوو سێ گەنج لە چەمی خەمەڵۆكە لە نزیك قەزای ماوەت بێسەروشوێن بوون و لەوكاتەوە گەڕان بەدوایاندا بەردەوامە، تا ئێستا دوو بێسەروشوێن نەدۆزراونەتەوە.
