وتەبێژی بەڕێوەبەرایەتیی گشتیی تەندروستیی سلێمانی رایدەگەیەنێت، تا ئێستا هەشت كەس لە تەقینەوەكەی گەڕەكی كازیوەی شاری سلێمانی گیانیان لەدەستداوە و 13 كەسی دیكەش برینداربوون.
سامان شێخ لەتیف وتەبێژی بەڕێوەبەرایەتییی گشتیی تەندروستیی سلێمانی لە لێدوانێكدا بە تۆڕی میدیایی ئێستای رایگەیاند، لە تەقینەوەكەی شەوی ڕابردووی گەڕەكی كازیوەی شاری سلێمانی هەشت كەس گیانیان لەدەستداوە و 13 كەسی دیكەش برینداربوون.
ئاماژەی بۆ ئەوەش كرد، پێنج لە بریندارەكان نەخۆشخانەیان جێهێشتووە و هەشت بریندار لە نەخۆشخانە ماونەتەوە كە سێ لە بریندارەكان تەندروستییان ناجێگیرە و لە ژێر چاودێریدان.
