ڕایەڵەی یانە پڕۆفیشناڵەکانی ئیسپانیا کۆی گشتی موچەی یانەکانی لالیگای بڵاوکردەتەوە و یانەکانی ڕیاڵ مەدرید و بەرشلۆنە لوتکەیان گرتووە.
بە پێی ڕاگەیه‌نراوێک کە لەلایەن ڕایەڵەی یانەکانی لالیگاوە بڵاوکراوەتەوە، بەهۆی قەیرانی کۆرۆناوە سەرجەم یانەکانی خولی پلە یەکی ئیسپانیا ڕێژەی موچەی یاریزانانیان کەمکردووەتەوە، تاوەکو لەگەڵ داهات و بوجەی گشتی بۆ ساڵی 2021 بە باشترین شێوە بیگونجێنن و خۆیان لە قەیرانە داراییەکان ڕزگاربکەن.
یانەی بەرشلۆنە یەکێکە لەو یانانەی لە ڕابردوودا زۆرترین موچەی بە یاریزانانی بەخشیوە کە بڕەکەی (671) ملیۆن یورۆ بووە، بەڵام بەهۆی قەیرانی کۆرۆناوە بڕەکەی بە ڕێژەی لەسەدا (43) بۆ (382) ملیۆن کەمکردووەتەوە.
یانەی ڕیاڵ مەدرید کە لە ڕابردوو و ئێستاشدا لە لوتکەی ڕیزبەندییەکەدایە، لەم وەرزەدا (468) ملیۆنی وەک موچەی ساڵانە لە بوجەی گشتی بۆ یاریزانانی تەرخانکردووە، لە کاتێکدا ساڵانی ڕابردوو ڕێژەکە (641) ملیۆن بووە، واتا بە ڕێژەی لەسەدا (26) موچەی یاریزانانی کەمکردووەتەوە.
یانەی ئەتلەتیکۆ مەدرید یەکێکی دیکەیە لە یانە سەرمایەدارەکان و لە ڕابردوودا (252) ملیۆنی بەخشیوە و لەم وەرزەدا ڕێژەکەی بۆ (182) ملیۆن کەمکردووەتەوە.
کۆی گشتی بڕی موچەی پێشکەشکراو لەلایەن سەرجەم یانەکانەوە بۆ وەرزی نوێ دەگاتە بڕی دوو ملیار (2.333.027 ملیار یورۆ)، یانە پلە دووەکانیش کۆی گشتی (237.505) ملیۆن یورۆیان بە یاریزانان و کارمەندانیان بەخشیوە.
ئەتلەتیک بلباو 119.819 ملیۆن یورۆ
بەرشلۆنە 382.717 ملیۆن
ڕیاڵ مەدرید 468.529
ئەتلەتیکۆ مەدرید 252.720
ئیشبیلیە 185.809
ڕیاڵ بیتیس 71.304
ڕیاڵ سۆسیداد 100.867
لیڤانتی 37.613
قادیش 41.028
ڤالێنسیا 103.390
ئۆساسونا 46.638
دیپۆرتیڤۆ ئالاڤێس 42.028
ڤیاڕیاڵ 145.242
ئیڵچی 34.600
سێڵتا ڤیگۆ 62.518
ڕیاڵ بەلەد وەلید 49.361
غەرناتە 56.483
ئیبار 42.706
هوێسکا 37.057
خیتافێ 52.589
