لە داواكارییەكدا ژمارەیەك ئەندامی ئەنجومەنی نوێنەرانی عێراق داوای پێكهێنانی لیژنەیەك دەكەن بۆ چاودێری و سەرژمێریی هێزەكانی ئەمریكا و هێزەكانی توركیا لەناو خاكی عێراق و دەنگۆی بوونی هەواڵگریی ئیسرائیل لە هەرێمی كوردستان.
داواكارییەكە لەلایەن 25 پەرلەمانتارەوە پێشكەش بە سەرۆكی ئەنجومەنی نوێنەران كراوە و سێ خاڵ لەخۆدەگرێت، كە یەكەمیان تایبەت بە لێكۆڵینەوە لە ژمارەی هێزەكانی ئەمریكا و ڕاوێژكارانیان لە عێراق.
لە خاڵی دووەمیشدا داوای لێكۆڵینەوە لە بوونی هێزەكانی توركیا دەكات لە موسڵ و هەرێمی كوردستان “دوای دانانی پێنج بنكەی سەربازی و 37 خاڵی سەربازی لەناو خاكی عێراق لە هەرێمی كوردستان” وەك ئەوەی لە داواكارییەكەدا هاتووە.
داوایەكی دیكەی پەرلەمانتاران تایبەت بە هێرشەكەی ئەمدواییەی ئێران بۆسەر هەولێر بەهۆی “چالاكیی موساد” و “بوونی لە هەرێمی كوردستان” و لێكۆڵینەوە لەبارەیەوە.
ئەو داواكارییە لەكاتێكدایە بەیانی ئەمڕۆ سوپای تورکیا پێشڕەوییان کرد بۆ نێو گوندەکانی “لێلکان، خەلیفان و کونەڵە” لە ناوچەی “دەشتەهێرت” لە سنووری برادۆستی سەر بە پارێزگای هەولێر.
دەقی داواكارییەكە:
