بیانییەك دەستگیركرا 100 هەزار دۆلاری لە ماڵێكدا دزیوە

هێزەكانی پۆلیسی بەغداد ئاشكرایانكرد، ئەمڕۆ سێشەممە چەند تۆمەتبارێك دەستگیركراون، لەنێویاندا تۆمەتبارێك هەیە كە كەسێكی بیانییە و 100 هەزار دۆلاری لە ماڵێكی ناوچەی دۆرەی باشووری بەغداد دزیوە.

بەپێی ڕاگەیەندراوێكی پۆلیسی بەغداد، تۆمەتبارەكە دوای دەستگیركردنی دانی بە دزیكردنەكەدا ناوە و دەست بەسەر پارەكاندا گیراوە، وتەكانی وەرگیراون و بە بڕیاری دادوەر و بەپێی ماددەی 446 لە یاسای سزاكان دەستبەسەركراوە.

وەك ڕاگەیەندراوەكە دەڵێت، هەر ئەمڕۆ سێشەممە چەندین تۆمەتباری تر بە تۆمەتی دزی و ساختەكاری لە بەغداد دەستگیركراون.

لە ماوەی ڕابردوودا پیاوێكی پاكستانی لە نەجەف دەستگیركرا كە 100 هەزار دۆلاری لە بازرگانێكی شارەكە دزیبوو.

بابەتی پێشتر

تونس واز لە "ئیسلام ئاینی دەوڵەتە" دەهێنێت

بابەتی دواتر

شیرین هەڕەشەی لێدان لە خوازبێنیکاری کچەکەی دەکات

بابەتی پەیوەندیدار
Total
0
Share