ئارامگرتن لە مانگی ڕەمەزاندا یەكێكە لە تایبەتمەندییەكان بۆ موسڵمانان، منداڵان هاوشێوەی دایك و باوكیان دەیانەوێت بەڕۆژووببن لەكاتێكدا تا دەگەنە تەمەنی باڵغبوون لە ئایینی ئیسلامدا ناچارنین بەڕۆژووببن، بەڵام دەتوانرێت ئەو دەرفتەیان پێبدرێت بەڕۆژووببن كە زۆركات مانگی ڕەمەزان دەكەوێتە وەرزی هاوین و پلەكانی گەرما بەرزدەبنەوە .
لە ڕەمەزاندا منداڵان كاتێك بەڕۆژوودەبن زیاتر هەست بە تینوێتی دەكەن و دەیانەوێت بەڕۆژووببن، بەڵام لەگەڵ ئەوەشدا ئەگەر حەزیان كرد بەڕۆژووببن پێویستییان بە چەند خۆراكێك هەیە .
گرنگە دایكان و باوكان دوای ڕۆژووشكاندن منداڵانیان ڕابهێنن زیاتر “شلەمەنی” بخۆنەوە بەتایبەت ئاو تا ئەو كاتەی دەخەون، بەتایبەت منداڵانی تەمەنی 9 تا 13 ساڵان ئاوی زۆر بخۆنەوە و نابێت لە دوو لیتر و نیو كەمتر ئاو بخۆنەوە، بەجۆرێك كە بتوانرێت قەرەبووی ئەو ماوەیە بكرێتەوە كە بەڕۆژووبوون.
پێویستە پارشێوان منداڵان خەبەربكرێنەوە ئاویان زۆر پێبدرێت و كاتێك دەیانەوێت بەڕۆژووببن ڕێگایان پێنەدرێت شەكر و ئەو خواردنەوانە بخۆنەوە كە پێكهاتەكانیان شەكریان تێدایە و وادەكات زۆرتر هەست بە تینوێتی بكەن.
گرنگە، ئەو خۆراكانە بە منداڵان بدرێن كە پرۆتین لە پێكهاتەیاندا زۆرە تا هەست بە برسێتی نەكەن و وزەی زیاتر بە جەستەیان ببەخشن.
