سزا سەپێنراوەکانی حکومەتی شانشینی بەریتانیا بەسەر ڕۆمان ئەبرامۆڤیچ، کاریگەریی نەرێنی لەسەر یانەی چێڵسی دروستکردووە و بەهۆیەوە یەکێک لەو گرێبەستانەی بەنیازبوون واژووی بکەن، شکستیهێنا.
ماڵپەڕی “سپۆرت بایبڵ” بڵاویکردووەتەوە، بەڕێوەبەرانی یانەی چێڵسی بەر لە سزادانی ڕۆمان ئەبرامۆڤیچ لەلایەن حکومەتی بەریتانیاوە، دەستیان بە دانوستاندن بۆ گواستنەوەی گابریێل سلۆنینای گۆڵپارێزی یانەی چیکاگۆ فایەری ئەمریکی کردووە و گەیشتوون بە قۆناغێکی پێشکەوتوو.
Chelsea were in advanced talks to sign talented Chicago Fire goalkeeper Gabriel Slonina [born in 2004]. The plan was to sign Slonina for €6/7m fee, then loan him back to Chicago until 2023 🇺🇸 #CFC
Talks have now broken down due to UK sanctions.
📲 More: https://t.co/b8bqGOQAa6 pic.twitter.com/SzbAsJoj9B
— Fabrizio Romano (@FabrizioRomano) March 25, 2022
گۆڵپارێزە ئەمریکییەکە خەونی بەڕێوەبەرانی یانەی چێڵسی بووە، بەوپێیەی تەمەنی 17 ساڵە و یەکێکە لە باشترین بەهرەکانی بواری تۆپی پێ، بەڵام بەهۆی ئەو سزایانەی بەسەر ئەبرامۆڤیچ-دا سەپێنراوە، تەواوی دانوستاندنەکان شکستیان هێناوە، ئەم زانیارییەش لەلایەن ڕۆژنامەنووس و شارەزای بواری گواستنەوەکان، فابریزیۆ ڕۆمانۆوە پشتڕاستکراوەتەوە.
بەڕێوەبەرانی “بلوزی لەندەن” بەنیازبوون سلۆنینا بگوێزنەوە بۆ ڕیزەکانیان، پاشان بۆ ماوەی وەرزێک بە خواستن پێشکەشی چیکاگۆ فایەری بکەنەوە، بۆندەکەشی لەنێوان شەش ملیۆن پاوەند بۆ حەوت ملیۆندا ئەگەری واژووکردنی هەبووە.
