تەریقەتی قادری كەسنەزانی لە پەیامێكدا دەڵێت، شێخ نەهرۆ كەسنەزانی و هەموو شوێنكەوتووانی تەریقەت باوەڕمانوایە خۆشەویستیی هاوەڵانی پێغەمبەر ئەركێكی شەرعی و ئیمانی و تەسەوفییە و دەشڵێت، “هەموو هاوەڵان خۆشەویست و نوری چاومانن”.
تەریقەتی عەلییەی قادری كەسنەزانی لە پەیامەكەیدا دەڵێت، هەروەك چۆن زانستە شەرعییەكان و زانستی قورئانی پیرۆز و فەرموودەكانی پێغەمبەر بە زنجیرە لە هاوەڵێكی خۆشەویستی پێغەمبەرەوە دابەزیوە و گەیشتووە بەو كەسەی ئەمڕۆ مۆڵەتی زانستی شەرعی و تەفسیری قورئان وەردەگرێت، تەریقەتی ئەوانیش لە حەزرەتی عەلییەوە گەیشتووە بە شێخ عەبدولقادری گەیلانی و پاشان گەیشتووە بە شێخ نەهرۆ.
سەبارەت بە تۆمارە دەنگییەكەش دەڵێت، بە ناشەرعی و نایاسایی دەستكاریكراوە و بڵاوبووەتەوە.
دووپاتیشیدەكاتەوە، شێخ نەهرۆ كەسنەزانی و هەموو شوێنكەوتووانی تەریقەت باوەڕیانوایە خۆشەویستیی هاوەڵانی پێغەمبەر ئەركێكی شەرعی و ئیمانی و تەسەوفییە و “هەموو هاوەڵان خۆشەویست و نوری چاومانن، بەڵام تەریقەتمان لە گەورەمان حەزرەتی عەلی (ڕەزای خوای لێبێت) وەرگرتووە”.
دەقی پەیامەكە:
