بەڕێوەبەرایەتیی کەشناسیی هەرێمی کوردستان پێشبینییەکانی کەشوهەوای لە هەرێمی کوردستان بڵاوکردەوە و ڕایگەیاند، لە هەریەکە لە هەولێر، سلێمانی، دهۆک و هەڵەبجە بۆ ئەمڕۆ و سبەی ئاسمان هەوردەبێت لەگەڵ بارینی نمەباران لەناوچە شاخاوییەکان.
بەپێی پێشبینییەکانی کەشوهەوا لە بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان ئەمڕۆ سێشەممە لە پارێزگاکانی هەولێر، سلێمانی، دهۆک و هەڵەبجە ئاسمان پەڵەهەور دەبێت و دواتر دەگۆڕێت بۆ نیمچەهەور و بارینی نمەباران لەناوچە شاخاوییەکان.
هەروەها سبەینێ چوارشەممە ئاسمان هەوری تەواو دەبێت لەگەڵ بارینی نمە باران لە هەولێر، سلێمانی و دهۆک و ئەگەری بوونی هەورەبروسکە، لە هەڵەبجە ئاسمان هەور دەبێت.
لەپارێزگای کەرکوکیش ئەمڕۆ ئاسمان لە هەوری تەواوەوە دەگۆڕێت بۆ پەڵە هەور و سبەی ئاسمان ساماڵ و پەڵە هەور دەبێت.
