وتەبێژی یەكەی 70ی هێزەكانی پێشمەرگە ڕوونكردنەوە لە بارەی خانەنشینكردنی پێشمەرگە و پلەداران دەدات و دەڵێت، “بەپێی یاسای ژمارە 38 خانەنشینی ئارەزوومەندانە 50 ساڵ تەمەن و 15 ساڵ خزمەتی دیاریكردووە و دەتوانرێت داوای خانەنشینبوون بكرێت”.
عەمید ئەحمەد لەتیف، وتەبێژی یەكەی 70ی هێزەكانی پێشمەرگە لە لێدوانێكدا بە تۆڕی میدیایی ئێستای ڕاگەیاند، خانەنشینبوونی ئارەزوومەندانە دەبێت 50 ساڵ تەمەنی هەبێت و 15 ساڵ خزمەتی هەبێت لە هەرپلەیەكدا بێت دەتوانێت داواكاریی پێشكەشبكات بۆ خانەنشینبوونی.
ئاماژەی بەوەكرد، “ئەو ئەفسەرانەی پلەكانیان نەقیب و ڕائیدە لە تەمەنی 49 ساڵیدا بە زۆرەملێ “ئیجباری”خانەنشیندەكرێن، پلەی موقەدەم 53 ساڵ تەمەنی بێت خانەنشیندەكرێت.
وتەبێژی یەكەی 70ی پێشمەرگە باسی لەوەكرد، ” ئەفسەر بە پلەی عەقید لە تەمەنی 55 ساڵی و عەمید لە تەمەنی 58 ساڵیدا خانەنشیندەكرێن”.
عەمید ئەحمەد لەتیف، ئاماژەی بەوەكرد، “ئەو ئەفسەرانەی پلەیان لیوایە لە تەمەنی 60 ساڵیدا خانەنشیندەكرێن و فەریق لە تەمەنی 63 ساڵییەوە خانەنشیندەكرێت و یاسای ژمارە 38ی تایبەت بە خانەنشینی پێشمەرگە لە ساڵی 2007ەوە دەرچوێندراوە و كاری پێدەكرێت”.
