لەچێوەی کێبڕکێکانی خوولی ئیتاڵیا، یانەی ناپۆلی لەدەرەوەی یاریگای خۆی بردنەوەی بەرامبەر بە هیلاس ڤیرۆنا تۆمارکرد.
ئەمڕۆ یەکشەممە، لە چێوەی یارییەکانی هەفتەی 29ی خوولی ئیتاڵیا، یانەی هیلاس ڤیرۆنا لەیاریگای “مارک ئانتۆنی” میوانداریی ناپۆلی کرد، یارییەکەش بە ئەنجامی دوو گۆڵ بەرامبەر بە گۆڵێک لە بەرژەوەندیی ئەستێرەکانی لوچیانۆ سپالێتی کۆتاییهات.
گۆڵەکانی ناپۆلی لە خولەکەکانی 14، 71 لەلایەن ڤیکتۆر ئۆسیمینەوە تۆمارکران، گۆڵەکەی ڤیرۆنا لە خولەکی 77 لەلایەن مارکۆ فاراونی-یەوە تۆمارکرا.
بەپێی ئەنجامە تۆمارکراوەکە، یانەی ناپۆلی ژمارەی خاڵەکانی گەیاندە 60 و لەپلەی دووەمی ڕیزبەندیی یانەکانی کالچیۆ پێگەی خۆی جیگیرکرد، کە تەنها سێ خاڵ لە ئەی سی میلانی یەکەمەوە دوورە، هەروەها یانەی هیلاس ڤیرۆنا بە 41 خاڵەوە لە پلەی نۆیەمی ڕیزبەندییەکەدا جێگیربوو.
