كریستیانۆ ڕۆناڵدۆ پێیوایە تیپەكەی لەتوانایدا هەیە بەسەر هەموو ڕكابەرەكانیدا سەربكەوێت ئەگەر یەكگرتوو بن.
پاش تۆماركردنی سێ گۆڵ بەرامبەر تۆتنهام و دیاریكردنی وەك باشترین یاریزانی یارییەكە، ڕۆناڵدۆ ستایشی هاوڕێكانی كرد و جەختی كردەوە كە ئەگەر پشتی یەك بگرن و كاری باش بكەن لە ڕاهێنانەكاندا ئەوا هیچ یانەیەك لێیان ناباتەوە.
وتیشی: “دڵخۆشم بە گەڕانەوەم بۆ ئۆڵدترافۆرد و تۆماركردنی سێ گۆڵ لەبەردەم هاندەراندا و هیوادارین لەو ئاستە بەرزە بەردەوام بین.”
ڕۆناڵدۆ جەختی كردەوە كە یاریی داهاتوو بەرامبەر ئەتلەتیكۆمەدرید دەیانەوێت بە هەمان ئاستی یارییەكەی تۆتنهامەوە دەربكەون.
