ئەستێرەی دێرینی یانەی مانچستەر یونایتد، ڕۆی کین ڕەخنەی توند ئاڕاستەی یاریزانانی یونایتد دەکات و بە کەمتەرەخەم وەسفیاندەکات.
ڕۆی کین لە شیکارییەکانیدا بۆ ڕووبەڕووبوونەوەی دێربی مانچستەر دەڵێت، “جوانی یاریی تۆپی پێ لەوەدایە جێگەی خۆشاردنەوەی تێدانییە، لە دێربی مانچستەر هەموو کەموکورتییەکانمان بینی، بەڵام ئەگەر تێبینی یارییەکە بکەین بۆمان دەردەکەوێت یاریزانان کەمتەرخەم بوون و خۆیاندا بەدەستەوە، بەئاڕاستەی گۆڵی ڕکابەر ڕایاننەدەکرد، لەوە تێناگەم”.
🗣 "These guys it's all about how am I looking, am I looking the part? Are my boots nice? Hows my hair looking? Just play the game." 🤬
Roy Keane goes full box-office with an explosive rant about Manchester United pic.twitter.com/lRUBs1nyTB
— Football Daily (@footballdaily) March 6, 2022
هەروەها دەڵێت، “کاتێک ڕووبەڕووی یانەیەکی قورس دەبیتەوە پێویستە ڕابکەیت، پێویستە ڕکابەرییان بکەیت، ئەوەش ئاوێنەدانەوەی یانەکەتە و وەک دەیبینم ئەوان لەدوای یانەکانی ترەوەن، ئەو یاریزانانەی دووچاری خەمباربوون و بێهیواییان کردم، بیساکا و فرێد و ماگوایەر و ڕاشفۆرد بوون، نەک هەر ئەوانە، بەڵکو شەش یاریزان و زیاتریش دەبینم، کە پێموایە شایستەی درێسی مانچستەر یونایتد نین”.
لەدوایین دێربی مانچستەر، یانەی مانچستەر سیتی بە ئەنجامی چوار گۆڵ بەرامبەر بە گۆڵێک بردنەوەی بەرامبەر یونایتد تۆمارکرد، ئەنجامەکەش ناڕەزایی زۆرینەی ئەفسانە و یاریزانە دێرینەکانی ڕێد دێڤڵزی لێکەوتەوە.
