لەچێوەی کێبڕکێکانی خولی ئەڵمانیا، یانەی بایرن میونشن لەنێو یاریگا و هاندەرانیدا یەکسانبوونی بەرامبەر بە بایەر لیڤەرکوزن تۆمارکرد.
ئەمشه‌و شەممە، لە چێوەی یارییەکانی هەفتەی 25ی خولی ئەڵمانیا، یانەی بایرن میونشن لەیاریگای ئالیانز ئارینا میوانداریی لیڤەرکوزنی کرد، یارییەکەش بە ئەنجامی یەکسانبوون (1-1) کۆتاییهات.
گۆڵەکەی بایرن لە خولەکی 18 لەلایەن نیکلاس سولی-یەوە تۆمارکرا، گۆڵەکەی لیڤەرکوزن لە خولەکی 36 لەلایەن تۆماس مولەر (بەهەڵە) تۆمارکرا.
بەپێی ئەنجامە تۆمارکراوەکە، یانەی بایرن میونشن ژمارەی خاڵەکانی گەیاندە 59 و لەپلەی یەکەمی ڕیزبەندیی یانەکانی بوندس لیگا وەک هەفتەکانی پێشوو بەردەوامبوو، هەروەها بایەر لیڤەرکوزن بە 45 خاڵەوە لە پلەی سێیەمی ڕیزبەندییەکەدا بەهەمان شێوە بەردەوامبوو.
ئەنجامەکانی دیکە بەم جۆرە بوون:
بوخوم 2-1 گروتەر فورت
هێرتا بەرلین 1-4 ئینتراخت فرانکفۆرت
ڤۆلفسبۆرگ 1-0 یونیۆن بەرلین
لایپزیک 1-1 فرایبۆرگ
