بڕیارە ڕۆژی سێشەممە پەرلەمانی كوردستان بە ئامادەبوونی نوێنەرایەتی حكومەتی هەرێم دانیشتنێك ئەنجامبدات و بەپێی بەرنامەی كاریش پێشهاتی پەسەندكردنی یاسای پڕكردنەوەی كورتهێنانی دارایی و پلانی هەرێمی كوردستان تاوتوێدەكرێت.
ده‌سته‌ی سه‌رۆكایه‌تیی په‌رله‌مانی كوردستان ئەمڕۆ یەكشەممە 15ی تشرینی دووەم بڵاویكردەوە كاتژمێر (11)ی پێشنیوەڕۆی ڕۆژی سێشەممە دانیشتنی ژماره (10)ی ئاساییی خولی پایزه ئەنجامدەدرێت.
بەپێی بەرنامەی كار لە دانیشتنەكەدا گفتوگۆ سەبارەت بە پێشهاتی پەسەندكردنی یاسای پڕكردنەوەی كورتهێنانی دارایی فیدراڵی و پلانی هەرێمی كوردستان بەئامادەبوونی لایەنە پەیوەندیدارەكان لە ئەنجومەنی وەزیرانی هەرێمی كوردستان دەكرێت.
كۆبوونەوەكە لەكاتێكدایە لەسەر هەمان پرس ئەمڕۆ سێ سەرۆكایەتییەكەی هەرێم كۆبوونەوەیەكیان ئەنجامدا.
