لە هەولێر، سكاڵا لەسەر سەرۆكی پارتێكی توركمانی تۆماركرا، بەهۆی ئەوەی لە مامەڵەیەكی كڕین و فرۆشتنی ئۆتۆمبێلدا فێڵی لە هاوڵاتییەك كردووە.
ئەیوب وەرتی، پەیامنێری تۆڕی میدیایی ئێستا لە هەولێر گواستیەوە، ئەمڕۆ هاوڵاتییەك لە دادگا سكاڵای دژی محەمەد سەعدەدین، سەرۆكی پارتی گەشەپێدانی توركمانی تۆماركردووە، بەهۆی ئەوەی لە مامەڵەیەكی كڕین و فرۆشتنی ئۆتۆمبێلدا سەرۆكی پارتەكە فێڵی لە هاوڵاتییەكە كردووە.
چەند مانگێك لەمەوبەر سەرۆكی پارتە توركمانییەكە ئۆتۆمبێلێكی لەو هاوڵاتییە كڕیوە و چەكێكی بانكیی پێداوە، بەڵام كاتێك هاوڵاتییەكە چووەتە بانك، دەركەوتووە چەكەكە بێڕەسیدە و سەرۆكی پارتەكە هیچ پارەیەكی لە بانكدا نەبووە، بۆیە ئەمرۆ سكاڵای لەدژ تۆماركردووە.
سەرۆكی ئەو پارتە توركمانییە، ئەندامی پەرلەمانی كوردستانە و بڕیاردەری لیژنەی داراییە.
