دەستەی ژینگەی هەرێمی کوردستان ڕێنمایی بۆ چۆنێتیی قوربانیکردن و پاراستنی ڕێنماییە ژینگەییەکان بڵاوکردەوە، داوا دەکات لە کاتی قوربانیکردندا پاشماوەی قوربانییەکە لەسەر شەقامەکان بەجێنەهێڵرێت.
لە ڕاگەیەندراوێکدا دەستەی ژینگەی هەرێمی کوردستان ڕایگەیاندووە، پێویستە ئەو ئاژەڵەی دەکرێت بە قوربانی لەسەربڕخانەی فەرمی سەرببڕدرێت، بۆ ئەوەی لەژێر چاودێریی پزیشكی ڤێتەرنەری بێت و پاشماوەكان لەو شوێنە فڕێبدرێت نەك لە كۆڵانەكان و شەقامەکان”.
جەختیشی کردەوە، دەبێت ئاژەڵی قوربانی پشکنینی بۆ بکرێت بۆ دڵنیابوونەوە لەوە تووشبووی تای خوێنبەربوون نییە.
داواشیکردووە، لەکاتی پشوو و چوونە سەیراندا ئاگر بەجێنەهێڵن تاوەکو ڕووداوی ئاگرکەوتنەوە ڕوونەدات.
