وەک وەڵامێک بۆ ئەو ڕاپۆرتانەی ئاماژە بە کێشە لە ژووری جلگۆڕینەکانی یانەی مانچستەر یونایتد دەکەن، هاری ماگوایەر-ی کاپتنی یانەکە سەرجەم ئەو زانیارییانە بە پڕوپاگەندە ناودەبات.
سەرچاوەکانی هەواڵ ئاماژەیان بەوەکردووە، کە کریستیانۆ ڕۆناڵدۆ لە ژووری جلگۆڕینەکانی مانچستەر یونایتد هاوشێوەی سەرکردەیەک مامەڵەدەکات و سەرجەم یاریزانە لاوەکانی خستووەتە ژێر سێبەری کەسایەتییە بەهێزەکەیەوە، ئەم بابەتەش هەرگیز بەدڵی هاری ماگوایەر-ی کاپتنی یانەکە نەبووە، لەکاتێکدا دەبێت هەمووان لەلایەن ئەوەوە ئاڕاستەبکرێن.
I’ve seen a lot of reports about this club that aren’t true and this is another. Not going to start posting about everything that is written but I needed to make this one clear. We’re united and focused on Sunday. Enjoy your day everyone 💪🏻 @ManUtd https://t.co/YxLhQn8pqf
— Harry Maguire (@HarryMaguire93) February 18, 2022
لەوبارەیەوە ماگوایەر لە تۆڕی کۆمەڵایەتی تویتەر نووسیویەتی، “چەندین ڕاپۆرتم لەبارەی یانەکەوە خوێندووەتەوە کە ڕاست نەبوون و ئەمەش یەکێکە لەوانە، لەسەر هەر بابەتێک کە بڵاودەکرێتەوە پۆست ناکەم، بەڵام بەپێویستی دەزانم ئەمجارە ڕوونکردنەوە بدەم، ئێمە یونایتدین، یەکگرتووین و هەموو سەرنجێکمان لەسەر یارییەکەی یەکشەممەیە، کاتێکی خۆش بۆ هەمووتان”.
