ڕووداوێكی هاتوچۆ لە سنووری قەزای شێخان گیانلەدەستدانی چوار كەسی لێكەوتەوە كە سیانیان برای یەكترن.
كاتژمێر 09:00ی ئێوارەی ئەمڕۆ ڕووداوێكی هاتوچۆ لە جۆری پێكدادان لەنێوان كۆمه‌ڵگای چڕه و گوندی مه‌لابروان لە قەزای شێخان سەر بە پارێزگای دهۆك ڕوویدا.
پەیامنێرمان پێی ڕاگەیاندین، ڕووداوەكە لە نێوان دوو ئۆتۆمبێلی نیسان/ سەنی و مارسیدس/ ئەتیكۆ ڕوویداوە و بەهۆیەوە چوار كەس گیانیان لەدەستداوە، كە سیانیان برای یەكترن.
سێ براكە بەناوەكانی (كۆڤان، نێچیرڤان و یوسف) ته‌مه‌نیان له‌نێوان 18 – 24 ساڵاندایە.
فازڵ حاجی، وتەبێژی هاتوچۆی هەولێر لە پەیامێكدا هۆكاری ڕووداوەكە بۆ بەكارهێنانی مۆبایل لەكاتی شۆفێریكردندا دەگەڕێنێتەوە.
