ئێوارەی ئەمڕۆ لە قەزای چەمچەماڵ ئۆتۆمبێلێک لە کاتی گەڕانەوەی خوێندکاراندا لە سێ خوێندکاری داوە و برینداری کردوون.
سەرچاوەیەک لە تەندروستیی قەزای چەمچەماڵەوە، بە تۆڕی میدیایی ئێستای ڕاگەیاند، “ئۆتۆمبێلێکی جۆری نیسان لەبەردەم ئامادەیی مەقانی کچان لەقەزای چەمچەماڵ ، لەسێ خوێندکاری کچی داوە و برینداری کردوون، دوو لە خوێندکارە بریندارەکان خوشکن، دواترش ڕەوانەی نەخۆشخانە کراون”.
ئەو خوێندکارانەی لە ڕووداوەکەدا بریندار بوون، تەمەنیان 16 بۆ 17 ساڵ بووە و دوای چارەسەرکردنیان دۆخی تەندروستییان جێگرە.
