لەدوای کاندیدکردنی هۆشیار زێباری لەلایەن پارتی دیموکراتی کوردستانەوە بۆ پۆستی سەرۆک کۆمار، شەقامی عێراقی ئەو کاندیدەی پارتی ڕەتدەکەنەوە و لە کوچە و کۆڵانەکانی شارەکانی عێراق وێنەی ڕەتکردنەوەی زێباری هەڵدەواسن، ئەمە جگە لەوەی لە تۆڕەکۆمەڵایەتییەکان هاژتاگی ڕەتکردنەوەی زێباری ئەکتیڤە.
هۆشیار زێباری، كە لەلایەن پارتی دیموكراتی كوردستانەوە كاندیدكراوە بۆ بوون بە سەرۆك كۆمار، لە بەغداد دۆسیەی گەندەڵیی لەسەرە و شەش ساڵ لەمەوبەر متمانەی لێسەندراوەتەوە.
بۆ پۆستی سەرۆك كۆمار، كە پشكی كورد و یەكێتییە و بەرهەم ساڵح سەرۆك كۆماری ئێستای عێراقی بۆ پۆستەكە كاندید كردووە، لەبەرامبەردا پارتی كاندیدێكی بۆ پۆستەكە پێشكەشكرد، سەرەڕای بانگەشەی بەردەوام بۆ یەكڕیزیی هێزە كوردستانییەكان.
