دادگای فیدراڵی ئەمجارەش دانیشتنی تایبەت بە بڕیاردان لەبارەی یەكەم دانیشتنی خولی نوێی ئەنجومەنی نوێنەرانی دواخست.
ئەمڕۆ دادگای فیدراڵیی عێراق دانیشتنی هەبوو تایبەت بە سكاڵای چەند پەرلەمانتارێك لەبارەی یاساییبوون و یاسایینەبوونی دانیشتنی یەكەمی خولی پێنجەمی ئەنجومەنی نوێنەرانی عێراق، بەڵام دادگا دانیشتنەكەی دواخست بۆ ڕۆژی سێشەممەی داهاتوو 2022/2/1.
ئەمە دووەمجارە دادگای فیدراڵی دانیشتنی تایبەت بە سكاڵا و بڕیاردان لەبارەی دانیشتنی یەكەمی ئەم خولەی ئەنجومەنی نوێنەران دوابخات.
لایەنەكانی نێو چوارچێوەی هەماهەنگیی شیعەكان لە دانیشتنی یەكەمی خولی پێنجەمی ئەنجومەنی نوێنەرانی عێراق ڕازینین و بە نایاسایی وەسفیدەكەن، بۆیە لە دادگای فیدراڵی سكاڵایان تۆماركردووە.
