ئەگەرێک هەیە جوزێ مۆرینیۆی پۆرتوگالی-ی ڕاهێنەری یانەی ڕۆما، لە کۆتایی وەرزدا بگەڕێتەوە بۆ خولی ئینگلتەرا و پەیوەندی بە یانەی ئێڤەرتۆنەوە بکات.
ڕۆژنامەی “ئەی ئێس”ی ئیسپانی لەزاری سەرچاوە ناوخۆییەکانی یانەی ئێڤەرتۆنەوە ئاشکرایکردووە، دوای دوورخستنەوەی ڕافا بینیتێز لە پۆستی ڕاهێنەری یانە شینەکەی شاری لیڤەرپوڵ، فەرهاد موشیری خاوەنی یانەکە و هاوکارانی بەدوای ڕاهێنەرێکی نوێدا دەگەڕێن، بۆ ئەو مەبەستەش ناوی چەند ڕاهێنەرێکیان دەستنیشانکردووە.
بەپێی سەرچاوەکە، یەکێک لەو ڕاهێنەرانەی لە لیستی داواکراوانی ئێڤەرتۆن-دا ناوی هاتووە، مۆرینیۆیە، بەڵام ڕاهێنەرەکە لە ڕۆما بەختەوەرە و بەلایەنی کەمەوە دەیەوێت تاوەکو کۆتایی وەرز لە ئیتاڵیا بەردەوامبێت.
جگە لە مۆرینیۆ، ناوەکانی فرانک لامپارد، واین ڕوونی، نونو ئیسپیریتۆ سانتۆ، دەنکان فێرگسۆن ناویان لە لیستی ڕاهێنەرە داواکراوەکاندا هاتووە.
