بەپێی ئاماری کەشناسیی هەرێم لە مەرزی کێلێ لە سنووری نێوان باشوور و ڕۆژهەڵاتی کوردستان، ئاستی بەفربارین گەیشتووەتە یەک مەتر و 10 سانتیم.
بەپێی ئامارەکە لە دوای مەرزی کێلێ، حاجی ئۆمەران زۆرترین بڕی بەفری لێباریوە و تا ئێستا گەیشتووەتە 88 سانتیمەتر.
لە دوای ئەو دوو شوێنە گوندی شێنێ لە قەزای پشدەر 55 سانتیمەتر بەفری لێباریوە و لە تەوێڵەش 52 سانتیمەتر بەفر کەوتووە.
تا ئێستا لە زۆرینەی ناوچەکانی پارێزگای سلێمانی و هەڵەبجە و دهۆک بەفربارین لە سەرووی 10 سانتیمەترەوەیە و ئەمڕۆش بەردەوام دەبێت.
