لیژنە‌ی باڵای بایۆمەتری ڕایدە‌گە‌یە‌نێت، زیاتر لە 16 ھە‌زار كەس لە موچە‌یە‌ك زیاتر بە نایاسایی وەردەگرن و، بڕیاری راگرتنی مووچە‌كانیان دە‌دات.
لە کۆبوونەوەکەدا، فەرمانگەی هەماهەنگی و بەدواداچوون و فەرمانگەی تەکنەلۆجیای زانیاری، پشتبەست بە ئامار و داتاکانی بایۆمەتری، ڕاپۆرتێکیان لەبارەی فرە‌موچە‌یی پێشکەشکرد، بەپێی ئەو ڕاپۆرتە 106 هەزار و 839 كەس لە یە‌ك موچە زیاتر وەردەگرن کە زۆربەیان بەپێی یاسا ڕێکخراون.
پاش بەدواداچوون بۆ دۆسیە‌ی ئەو موچەخۆرانە، دە‌ركە‌وت 16 هەزار و 505 کەس، لە یە‌ك موچە زیاتر بە نایاسایی وەردەگرن، بۆیە لیژنە‌ی باڵا لەچوارچێوەی یاسای چاکسازیدا، وە‌زارە‌تی دارایی و ئابوری ڕاسپارد بۆ ڕاگرتنی موچەی داهاتوویان لەگەڵ پاراستنی مافی ئەو کەسانە بۆ تانەدان (طعن) لەم بڕیارە، ماوەی مانگێکیش دیاریکرا بۆ سەرلەنوی پێداچوونەوەی دۆسییەکانیان.
